هاوڵاتی کاوە ڕەزا:
تکایە پارێزگاری سلێمانی.
ئەنجومەنی پارێزگای سلێمانی.
ئاسایشی سلێمانی .
.بەڕێوەبەرایەتی گشتی شارەوانیەکان .
شارەوانی سلێمانی .
.ژینگەپارێز .


فریای ڕێگای سەیرانگای مێرگەپان بکەون دەستی تیرۆر هەڕەشە لە ناوچەی پارێزگاکەتان دەکات جوانیەکان ئەم ناوچەیە بەسەیرانگاکانەوەیە ئەگەر بەم جۆرە ئیهمال بکرێ تاوانباری سەرەکی ئێوەن ئنجا ئەولایەنەی کەهەوڵی ناشیرین کردنی ناچەکە دەدات .

وەڵامی بەڕێوبەری گشتی شارەوانیەکانی سلێمانی :
وەک بەڕێوەبەری گشتی شارەوانیەکانی سلێمانی دوای دەستخۆشی لە کاک کاوە رەزا ئەم روونکردنەوەیە دەخەمە بەر دیدەی هەموان:
لەو کاتەوەی ئەو پۆستەم وەرگرتوە پێش ساڵێک گرنگی تەواوم داوە بە بواری ژینگە، دوو زۆنی چەمچەماڵ دوکان و شارباژێڕ عەربەت رەزامەندی بودجەمان بۆ وەرگرتوەو لەم رۆژانەدا دەدرێتە کۆمپانیا، لەو دوو زۆنە کێشەمان زۆرە لەبەر نەبوونی بودجەو خراپیی ئامێرەکانی شارەوانی و کەمیی مووچەو نەمانی دەرماڵە و …هتد، لەگەڵ ئەوانەدا چەندینجار هەڵمەتمان لەرێگای کۆمپانیاکان بۆ ئەو ناوچانە کردووە.
سەبارەت بە ناوچەی مێرگەپان و قزلەر تا نزیک سلێمانی لەسنوری شارەوانیەکانی ئێمە نیە بەڵکو سەر بە بەکرەجۆو سلێمانیە و ئەوانیش لە سنوری کارەکەیان نیە، لەگەڵ ئەوەشدا شارەوانی سورداشمان راسپاردوە ناوە ناوە تا مێرگەپان پاک دەکەنەوە.
پێش دوو رۆژ ئاگادارکراینەوە بۆ ئەو حالەتەی نزیک گوندی قزلەر کە ئاشکرایە بە ئەنقەست خەڵکانی نەفس نزم و دژ بە ژینگە کە بێگومان خاوەن باخ و ڤێلاکانی ناوچەکەن لە جەژن و رۆژانی دوایی ئەو کارەساتەیان خولقاندووە، هەرچەندە لەدەرەوەی سنورمانە و وەک هەستکردن بە بەرپرسیارێتی کۆمپانیای گارێکسمان راسپارد سبەینی هەڵمەتێکی فراوانی بۆ ئەنجام دەدەین و پاکی دەکەینەوە.
تکام وایە لەو خەڵکانەی دڵسۆزن و هەست بە بەرپرسیارێتی دەکەن ئەو حاڵەتانە لە هیچ کەسێک قبوڵ نەکەن و رێگا نەدەن بە خراپەکاران نیشتمانە بریندارەکەمان پیس بکەن.
ئەندازیار بهاءالدين ابراهیم فارس

13606611_842748009164325_2833381723716565174_n

13627053_842747919164334_2405701404376237184_n

13659000_842747962497663_8088587493817160725_n

13680659_842747985830994_3965476853287868363_n

13680769_842747889164337_1683216500977269145_n

کۆمێنتت بنوسە
Share Button
Copyright 2016-2017, All Rights Reserved © Powered by :GDSM