كۆبوونەوەی بەڕێوەبەری گشتی و سەرۆكی شارەوانییەكان بەڕێوەچوو

ئەمڕۆ لە دیوانی بەڕێوەبەرایەتی گشتی شارەوانییەكانی سلێمانی ئەندازیار سەلام بیلال بەڕێوەبەری گشتی شارەوانییەكانی سلێمانی، كۆبوونەوەی لەگەڵ سەرۆكی شاڕەوانییەكانی ( قەرەداغ، سێوسێنان، دەربەندیخان ، باوەخۆشێن، عەربەت، سەیدسادق ، وارماوا ، پێنجوێن، گەرمك، ناڵپارێز، چوارتا، سیتەك ، كەناروێ، زەلان، باسنێ، گاپیڵۆن، بەرزنجە، ماوەت) سازدا، تەوەری سەرەكی كۆبوونەوەكە شێوازی نوێی كاركردن لەگەڵ پڕۆژەی پاككردنەوەی شارۆچكەكانی ئاماژەپێدراو بوو كە ئێستا لەلایەن هەردوو كۆمپانیای ( ئۆرانۆس و گارێكس )ەوە جێبەجێ دەكرێت ، هەروەها بایەخپێدانی زیاتری سەوزكردنی شار و شارۆچكەكان كە هاوكاتە لەگەڵ وەرزی بەهاردا، لەگەڵ تاوتوێكردنی خزمەتگوزاریی و خاوێنڕاگرتن و نەشێوانی سیمای شارەكان لەكاتی بانگەشەی هەڵبژاردنەكان و دانانی بنەماكانی جوانڕاگرتنی دیمەنی ناوچە جیاوازەكان پلانی بۆ دانرا.
هەر لە كۆبوونەوەكەدا ئامادەسازیی پێویست كرا بۆ ئەو خانووانەی بەپێی بڕیاری بەڕێز قوباد تاڵەبانی جێگری سەرۆكی حكومەتی هەرێم بڕیاری تاپۆكردنیان بۆ دەرچووە. بەڕێوەبەری گشتی شارەوانییەكانی سلێمانی راشیگەیاند: بەشێك لە پڕۆژە تەواونەكراوەكان كاری پێویست دەکرێت بۆ دەست بەکاربونەوەیان (بەتایبەت ئەو پڕۆژانەی بەشێكی كەم لە كاكردنیان ماوە و بەهۆی قەیرانی داراییەوە وەستاون)
كۆبوونەوەكە رۆڵی راگەیاندنی شارەوانییەكان و هۆشیاركردنەوەی هاوڵاتیانی تێدا تاوتوێ كرا، بەتایبەت لە جێبەجێكردنی پڕۆژە نوێیەكاندا.

کۆمێنتت بنوسە
Share Button
Copyright 2016-2017, All Rights Reserved © Powered by :GDSM