پرۆژەیەكی جوانكاری لە ناوەندی ناحیەی قەرەهەنجیر كەوتە بواری جێبەجێكردنەوە كە لەلایەن ئیدارەی كەركوكەوە بودجەی بۆ تەرخانكراوە،

ئەندازیار ( كامەران حەمید ئەحمەد ) سەرۆكی شارەوانی قەرەهەنجیر دەربارەی پرۆژەكە وتی ” پرۆژەی باخچەیەكی قات قات (مدرج ) و پرۆژەیەكی جوانكاریە لە لایەن ئیدارەی كەركوك و لە سەر بودجەی پەرەپێدانی هەرێمەكان جێبەجێدەكرێت ”
پرۆژەكە بە گوژمەی (249,750،000) دوو سەد وچل و نۆ ملیۆن و حەوت سەد و پەنجا هەزار بە شێوەیەكی راستەخۆ و لە لایەن بەرێوەبەرایەتی شارەوانیەكانی كەركوكەوە جێبەجێكردەكرێت بە هاوكاری و چاودێری شارەوانی قەرەهەنجیر .
سەبارەت بە لایەنی هونەری پرۆژەكە ئەندازیار (سەڵاحەدین ساڵح ) ئەندازیاری سەرپەرشتیاری شارەوانی قەرەهەنجیر وتی” پرۆژەكە پرۆژەیەكی جوانكاریە و سیمایەكی جوان دەبەخشێت بە دەروازەی قەرەهەنجیر كە خۆی لە دروستكردنی چەند دیوارێكی ڕاگر و دواتر ناشتنی نەمام دەبینێتەوە”
پرۆژەكە بە شێوەیەكی گشتی بریتیە لە دروستكردنی دیواری ڕاگرۆ بە بەردی سپی بە درێژی 1000م3 و بە بەرزی 175سم ، لەگەڵ بڕگەی كۆنكرێتكردن بە بڕی 250م3 .

   

کۆمێنتت بنوسە
Share Button
Copyright 2016-2017, All Rights Reserved © Powered by :GDSM