شارەوانى سیتەک بەردەوامە لە تێکەڵەڕێژکردنى کۆڵانەکان

لەدرێژەى چالاکییە بەردەوامەکانى خۆیدا، سەرۆکایەتى شارەوانى سیتەک هەڵمەتێکى بۆ تێکەڵەڕێژکردنى ئەو کۆڵانانە دەستپێکردووە کە ڕێگاکەیان گڵە.

هەڵمەتەکە بەسەرپەرشتى ڕاستەوخۆى هۆبەى ئامێرەکانى شارەوانى سیتەک جێبەجێدەکرێ و لەنوێترین هەڵمەتیشیاندا دوو کۆڵانى نوێیان لەسنورى ناحیەکە تێکەڵەڕێژکرد، هەڵمەتەکە لەکاتێکدایە وەرزى بارانبارین لەڕێگەیە و بەشێک لە گەڕەک و کۆڵانەکان پێویستیان بەڕێککردنەوە و چاککردنى ڕێگاکانیان هەیە بۆ ئەوەى دانیشتوانەکەیان لە وەرزى زستاندا تووشى ئاستەنگى هاتووچۆ نەبن.