هەڵمەتی ناشتنی ٥ هەزار نەمام لە سەیدسادق دەستیپێکرد

دوای دابینکردنی بڕی ٥ هەزار نەمام لەلایەن بەڕێوەبەرایەتی دارستان و پاوانی سلێمانی/ نەمامگەی دارستانی دەربەندیخان، شارەوانی سەیدسادق لە دەروازەی شارەکەوە دەستی بە ناشتنی نەمامەکان کرد.

هەوڵەکە لەچوارچێوەی پلانی بەشی باخچەکانی شارەوانی سەیدسادقە بە ئامانجی بەرزکردنەوەی ڕێژەی سەوزایی و بوژانەوەی پارک و باخچەکان و شەقامەکانی شار.

سەرۆکایەتی شارەوانی سەیدسادق ئاگاداری سەرجەم دامودەزگا و قوتابخانەکانی شار دەکات کە دەتوانن نوسراو ئاڕاستە بەشی باخچەکانی شارەوانی بکەن بەمەبەستی دابینکردنی نەمامی پێویست بۆیان.