هەڵمەتێک بۆ پاککردنەوەی پاشماوەی لافاو لە ئاغجەلەر بەڕێوەچوو

دوای بارانبارینە بەهێزەکەی دوێنێ و دورستبوونی لافاو و زیانگەیاندنی زۆر بە ناحیەی ئاغجەلەر، ئەمڕۆ هەڵمەتێکی بەرفراوانی پاککردنەوە لە سنوری شارەوانییەکە بەڕێوەچوو.

هەڵمەتەکە بە هەماهەنگی لەگەڵ تیمەكانی کۆمپانیای ئانزۆ ئەنجامدرا و بەشێکی بەرچاو لە شەقام و کۆڵان و ماڵەکان لە پاشماوەی قوڕولیتە پاککرانەوە.