٢٥٠ پارچە زەوی لە شارۆچکەی عەربەت دابەشکرا

ئەمڕۆ سەرۆکایەتی شارەوانی عەربەت قۆناغى دووەمى دابەشکردنى زەوی لە سنوری ناحیەکە جێبەجێکرد، ئەم قۆناغە ٢٥٠ پارچە زەوى لەخۆگرت کە بەسەر فەرمانبەران و خانەنشیناندا دابەشکرا.

دابەشکردنەکە بە شێوازی تیروپشک ئەنجامدرا و بە ئامادەبوونی سەرۆکی شارەوانی عەربەت و نوێنەری یاسایی بەڕێوەبەرایەتی گشتی و لێپرسراوی نوسینگەی بەڕێوەبەری گشتی شارەوانییەکانی سلێمانی و ژمارەیەک لێپرسراوی حکومی ناوچەکە بەڕێوەچوو.

بڕیار وایە پڕۆسەی دابەشکردنی زەوی بەردەوامی هەبێ و سەرجەم ئەو کەسانەی ڕەزامەندی وەرگرتنی زەوییان هەیە؛ لە قۆناغەکانی دواتردا سودمەند بن.