١٥٠ پارچە زەوی لە قەزای سەیدسادق دابەشکرا

ئەمڕۆ ڕێکەوتی ١١ی ئابی ٢٠٢٦ سەرۆکایەتی شارەوانی سەیدسادق پڕۆسەی دابەشکردنی زەوی دەستپێکرد، لە قۆناغی یەکەمدا ١٥٠ پارچە زەوى بەسەر فەرمانبەران و خانەنشیناندا دابەشکرد.

دابەشکردنەکە بە تیروپشک و بەپێى خاڵبەندیی لە هۆڵی ڕۆشنبیری سەیدسادق ئەنجامدرا بە ئامادەبوونی سەرۆکی شارەوانی سەیدسادق و لێپرسراوانی حکومی ناوچەکە و نوێنەری یاسایی بەڕێوەبەرایەتیی گشتی شارەوانییەکانی سلێمانی.

پڕۆسەی دابەشکردنی زەوی لە سنوری قەزای سەیدسادق بەردەوامی دەبێت و بەگوێرەی زەوی بەردەست لە بەرزترین تاکو نزمترین خاڵ زەوی بەسەر فەرمانبەر و خانەنشیناندا دابەشدەکرێت.